Sayfo
Mi šato d 1915 w hul la 2014,
mën hawi? Këṯwinale…
Bu cëlmo kule, ẖëngaliyo l rabe w nacime bi kṯawto.
A. Sayfo- proža d këṯwina
Kano-Suryoyo, ẖuḏro b Almanya, mqaydo rasmi, mabdele bu cëlmo, ẖëngaliyo bi kṯawto. I fëkraṯe, kuwyo ẖḏo maǧ ǧayat asasiye, nëqošo ste d layt acla, Kano-Suryoyo, xëd ẖuḏro d këtle qume: B darbo d hawxa ẖëngaliyo, d macle u ylofo w u darbo du ylofo li kṯawto, gab as suryoye b Almanyaʹyo. Mawxa Kano-Suryoyo, xaşaţan kobëc d gorëš u bolo, cal u šëwolo du Sayfo. Qiyomo b hawxa cwodo manhërono, gëd obe elan las suryoye, haymonuṯo qwiṯo b ruẖan.
Sayfo, xëd aṯmël 1840-46, 1895-96, 1909, 1914-18, 1933,… adyawma ste, dlo kloyo cël më qarcayna bu Cëraq, b Suriya, b Lëbnan, b Tërkiya, b Mëşër, bu Iran,... fayošoyo. Mawxa, dlo qayd w šarţ, Sayfo kobëc d mifatëš, d mëbcëţ w d minaqëš. I prožaṯe, mawxa kmiqadmo qëm kul ẖa [ẖḏo], d koṯëw b lišono mal lišone laltaẖ, ẖkeye d koḏëc mu tarix mayiro d këtlan. Kmëtmanena d mëkṯëw w i kṯawto d mišayco lu adres alaktroni d laltaẖ.
U cwodo di prožaṯe, bu ţacno Kano-Suryoyo kqoyëm, aš šutose sanode ste hani kowën:
1- Kano-Suryoyo e. V (www.kano-s.de)
2- Mor Afrem (www.mor-afrem.com)
3- Stiftung zum Erhalt und zur Förderung des Aramäischen Kulturerbes (www.Stiftung-Aramaeisches-Kulturerbe.de)
4- Beth-Sefro Suryoyo/Othuroyo d'Belgika
5- Stichting Inanna Foundation (www.inannafoundation.org)
B. Qëdomo du ẖëngaliyano
I- A kṯiwoṯo d mëkṯowi bal lišonani d laltaẖ:
1- Şurayt [b ẖarfat latini, bi dafo d Surayt Alphabet
kit aẖ ẖarfani, hani Prof. Dr. Šabo d Be-Qašo Yaẖqo mqadmile. D kobëc ste kibe baẖ ẖërfat suryoye d koṯaw] iboco d këtlan d mëkṯëw b lišonan.
2- Almani
3- Tërki
4- Carabi
5- Ingilizi
6- Fransavi
7- Swedi
8- Hollandi
II- A kṯiwoṯo dlë fayti 7500 ẖarfat.
III- A kṯiwoṯo dë kṯiwi gëd mišayci lu adres d seyfo@kano-s.de
IV- A kṯiwoṯo dë mšayëc, cam kaylo dë kritare iḏice, gëd miqadri mlaf hayye d juri šriṯo. A kṯiwoṯo ste dë mnaqe gëd laymi w mëfrosi bë kṯowo. Kul kaṯowo d cabiro i kṯawtayḏe bë kṯowo, mu kṯowano gëd qaṯle 5 nësxe hadiye.
V- Yawmo ẖaroyo d šiyoco di kṯawto, 1 ţëbbax 2014ʹyo.
VI- An natijat du nëqoyo di hayye du juri gëd mitawḏëci bu ẖago d Kano-gala 2014.
Maḏco
Ah hadome du juri ste hanine:
1- Më Kano (Anja Demir, Basel Layous, Rami Bëhnan, Musa Ergin)
2- Dipl.-Ing. Abdulmasih Barabraham, Dr. Selva Can, Attiya Gamri, Adnan Challma Kulhan, Nail Beth-Kinne, Nineb Lamassu, Fil. Dr. Zeki Yalçin, Yawsef Beth Turo
Cam šlome, Grub di proža
Musa Ergin, koordinator di proža: info@musa-ergin.de
Anja Demir, mtakzëniṯo du grub di proža: anjademir@paderborn.com
Manuela Demir, manuelademir@hotmail.de
Basel Layous, basel.layous@hotmail.de
Stefanie Imran, stefanie.imran@yahoo.de
_____
Kano Suryoyo kom kadëm tawdiyoṯo lu aẖuno Hanna Beṯ-Sawoce lajan li tarcuma lu Şurayt.